« Irakurri | Oparitzeko »
Bi hitz / Garazi Goia / Alberdania, 2008
Ezin ezer esan Felipe Juaristi / El Diario Vasco, 2008-06-20
Mundu moderno, unibertsal eta ez pertsonal honetan dena doa arin eta airean. Ezin ezeri eutsi, une batez ez bada; eta une horrek ere, iragandakoan, ez gertatutako dirudi, ametsa edo ametsaren hautsa. Ezin ezer zehaztu, ezin ezer defmitu, ezin ezer esan, bi hitzetan bada ere. Gizon-emakumeek galdu egin dute naturarekiko zuten harremana. Natura, gaur egun, alde batetik doa, eta gizakia bestetik. Gizon-emakumeen arteko harremanak galbidean doaz, oso agudo gainera eta ezin ezer egin abiada hori eragozteko. Norberak bere buruarekin duen harremana eta bere buruarena duen ezagutza, alegia identitatea, lausotu egiten da, ahuldu eta sakabanatu, mozorro askoren artean. Gure garaiko ezaugarria da nia aske eta suelto ibiltzea, baina indarrik gabe, irudimenean izan ezik.
Garazi Goiaren Bi hitz hau bere lehen eleberria da. Pertsonaia nagusiak, pertsonaia izena merezi duen bakarrak, bere burua eta, ondorioz, bere bizitza definitzeko arazoak ditu. Ez dira arazo materialak edo intelektualak, ongi prestatuta baitago bere lanbideari aurre egiteko, bizitzako hainbat aldetan aise eta eroso ibiltzeko, lagunak eta maitaleak egiteko. Baina ez du eskarmenturik, ez daki bizitza zer eta zertan den. Ihes egingo du Euskal Herritik Berlinera eta handik Londresera, baina ez du aurkituko non pausatu, erabat bederen, ez du jakingo non lasaialdia zer den, ez baitaki batetik bestera daraman indarra zein eta nolakoa den. Ez daki zeren bila dabilen, ez baitaki bila dabilenik. Atzean utzitakoa aurrean azaltzen baita, ongi lotuta utzi ez bada. Maitasuna dela uste du, eta maitasuna delakoa eldarnio bihurtzen zaio. Desira ere eldarnio bilakatzen da. Hasierara itzulitakoan ere ezin ezer esan. Agian ez dagoelako ezer esaterik.
Gaur egungo eleberria da eta gaur egungo teknikez kontatua, era nahasi eta puskatuan. Osotasunak berak ere, gaur egun, eldarnioaren bidetik jotzen du.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera