« Hamabost zauri revisited | Bizi lehendabizi »
Ez da gaua begietara etortzen / Felipe Juaristi / Erein, 2007
Gaua begietara Aritz Gorrotxategi / El Diario Vasco, 2007-12-21
Merezi adina arreta jaso ez zuen Airezko emakumeak gogoangarriaren ondotik, koska bat haratago eraman du bere narraziogintza Felipe Juaristik, eta euskal gatazka literaturaren bidez islatzeko Andu Lertxundik eta Jokin Muñozek irekitako bideari adar berri bat, eremu berri bat zabaldu dio Juaristik Ez da gaua begietara etortzen nobelarekin. Minaz, bakardadeaz eta oroimenaz mintzo den nobela. Alderdikerien polemikatik urrutik, giza arimaren hirian jarri du fokua idazleak. Giza izatearen kaleetan, minaz haratago legokeen minaren finisterrean, hiru pertsonaiek hezur arimetan bizi dutena.
Bortxazko hilketa batek harrapatzen ditu hiru pertsonaiak. Batetik, hilketaren lekuko bihurtuko den Lope de Iraurgi kazetaria, aita uretan izoztua galdu duena. Bestetik, Miranda, nahasmenduz hil zuten gizonaren bikotea; eta, azkenik, Gabriel Cifuentes, egun hartan hil nahi zuten pertsona.
Gorputzez hilik suertatu ez arren, arimaz hilda geratuko dira hirurak handik aurrera. Izan ere, Homerok zerbait irakatsi bazigun, horixe da, sufrimendua dela gizakiaren patua. Nor bereaz zein besteenaz jabetzeak egiten gaitu gizaki. Eta ez nor bere erlijioko minduekin geratzeak. Are, gehienetan errazagoa da inoren tokian jarri ordez inor norberaren tokira ekartzea.
Oroimen hotzak, ordea, badu bere kontrapisua nobelan, eta ez da ironiarik falta. Itzuleran datozen gizakien keinuetan ez baita harritzekoa ironia hori. Denok galtzaile hutsak garela dakienarena. Nobela eder eta sakona ondu du Juaristik, konbikzio emozional handikoa eta poetikoa ez ezik, guztiz baliagarriak zaizkigun gogoetez zipriztindua. Baliagarriak eta ezinbestekoak.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera