« Istorio garratzak | Gozamenaren hitzak »
Trapuan pupua / Patziku Perurena / Erein, 2001
Minak eta zinak Felipe Juaristi / El Diario Vasco, 2001-11-17
Gure herri hau den baino normalagoa balitz, eta naturalagoa noski, literatura kontuetan ez ezik, idazten den guztiari buruzko iritzietan ere bai, Patziku Perurenaren liburu honek zeresanik franko sortuko luke, zalantzarik gabe. Kritikarien lumak dantzan jarriko lituzke, baldin eta gure herri ez normalizatu honetan direnak baino gehiago balira kritikariak, eta ez dut esan nahi direnak ere soberan daudenik, baizik eta direnak direla faltan ditudala balizko direnek kritika egiten dutenean. Patziku Perurena, izan ere kritiko da, ez kritikari, eta hain da kritiko non, esango nuke, azkenik bere kritika, jira osoa eta itzulbide asko egin ondoren, kritikarik ez, edo ez kritika, bihurtzen baita. Ustez heterodoxo den jendeari gertatzen zaiona da, bestalde, hain dira halakoak heterodoxoak, non, azkenik, jira eta buelta egin ondoren, ortodoxoenak bihurtzen baitira. Herririk normalizatuenetan behintzat. Patziku ez da
ortodoxoa, ezta heterodoxoa ere, eta ez dut uste bere asmoa denik batean edo bestean sa¡lkatua izateko idaztea. Patziku, ezer izatekotan, Patziku da, Euskal Herriko kulturaren bilakabidea tragedia gisa bizi duena. Iraganaren eta orainaren arteko indar-jotze hori beretzat sortzailea da, eta suntsitzaile ere bai, neurri handian. Hortik datozkio Patzikuri bere kontraesanak, bere minak eta zinak, noski. Patzikuk ez du, nobelagile baten modura, mundua ordenatu edo interpretatu nahi, ez horixe, ez baita nobelagile. Patzikuk bere mina azaldu nahi du agerian duen mundua nondik nora doan ikusita, batez ere bere euskal mundua nondik nora dabilen ikusita, bere ikuspegitik, bere bordatik, bere urruntasunetik, bere ez-herritik, azken finean. Bere mina azalduz batera, bere sentikortasuna airera jaurtitzen du, norbaitek jaso baleza, jaso dezan. Baina ez dezala inork pentsa Patziku antigoalekoa denik. Liburua irakurri ondoren, Patziku Perurena postmodernidadearen eredu ere badela konturatuko baita irakurlea.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez