« Berrogetabat poema, bertso librez | Errealista eta orekatua (batzutan) »
Hitz Etena / Eustakio Mendizabal "Txikia" / Susa, 1992
Indiako zuhur-hitzen arabera Itxaro Borda / Argia, 1992-09-20
Ezuste hanitx ekarten, eta mentüraz ekarriko deikü, urte honetako üskal literatür eremüak. Gero haboro dügü üdüripena, mentea hürrentzear dagolarik, igaran hogeikadako gertakariak Historian sartzen ari direla, Elearen mündüak pausa txipiñi bat hartü nahi balü bezala. Txalaparta argitaletxearen “sorpresa” egükitzeko artean, hor dago Jon Arano itsasondoarraren haurtazun galduaren omenaldia, Eustakio Mendizabal itsasondoar mitoari. Lotüra sentimental xehe horrek emaiten dio libürüari zinezko balioa.
Aitzin-solas mamitsüa oparitü deioke Jon Aranok Txikiaren olerki sailari, erran zitezkeanak baino hürrünago joaiten iseatüz. Kokatü dü, Mendizabal ekintzailea, garai hartako erromantikortazünean, eta ordü hetako poetek erabilten zütüen molde berezien herrokan, idazlearen ütürri kreatiboak finkatzeaz eta zehaztez. Üskal mugimendu iraulzaileak “bere poeta” ere bazüala, edo bazüala ejerki erakusteko.
Txikiak ez zütüan manealat, gaüzak erdizka küplitzen, ez poesiak, ez borrokak. Aplikatzen ahal giniroke Indiako zuhur-solas elibat: “izan ziten neurtizlari edo terrorista, egizkitzü egitekoak direnak bururaino…”. Osotarzün horren jakile zaikü itsasondoko idazlea. Eta Mendizabalen koblak irakürtzez agertzen da, ekintzalaria bilakatüko zen gizon axolatiaren ütxüra, geroxeago, güti izkribatu beit züan, nahiz Iparraldean kasik orroaz emaiten dütügün kantore frankoren inspiratzaile agitü den. Kririxtitarzüna, herriarekilako amodio barnakorra, gaztaroaren ihes, erbestearen nekeak: lerroz-lerro azaltzen da, bizitza puxka bat, Algortako tren-eküleküan tiropean porrokitüko züena.
Momentuko dena errana baldin bada, Jon Aranok argitaratzen ahal zütüanak oro publikatüak badütü, asma dezakegü orano, izan ditezkela zonbeit texto bazterretan ahatzerik, eta balitake, Susaren Iraungo saileko liburü hau, beste sakonagoko baten hatsarrea bezik ez izatea. Hori, pürü, derogü desiatzen Itsasondoko Biltzaileari.
Gizon barregarriak
Joxean Agirre
Asier Urkiza
Barbaro iraun
Louisa Yousfi
Amaia Alvarez Uria
Izotz ura
Lide Hernando Muñoz
Aiora Sampedro
Palestinaren okupazioaz eta kolonizazioaz
Perry Anderson
Irati Majuelo
Itzulerak
Miren Agur Meabe
Aiora Sampedro
...eta gauetik, euria
Fertxu Izquierdo
Jon Jimenez
Carvalho Euskadin
Jon Alonso
Asier Urkiza
Hitzak palmondo
Silvia Federici
Nagore Fernandez
Altxa, hildakoak
Fred Vargas
Ainhoa Aldazabal Gallastegui
Alderdi komunistaren manifestua
Karl Marx / Friedrich Engels
Aritz Galarraga
Maitasun kapitala
Karmele Jaio
Mikel Asurmendi
Larrosa bat Groenlandian
Iban Garro
Paloma Rodriguez-Miñambres
Jausiz
Alain Mendizabal Diaz
Maddi Galdos Areta
Hiriak eta urteak
Xabier Montoia
Irati Majuelo