« Dinamita bustia | Urtemuga lehorraren kronika mingotsa »
Schopenhauer, Nietzsche eta Spengler,Miranderen pentsamenduan / Joxe Azurmendi / Susa, 1989
Miranderen pentsamendua Josu Landa / Argia, 1989-12-31
“Susa”koak ere prestatu dira antza hurrengo urteetarako indarrean iragartzen den saiakerari ongi etorria emateko, sail berezia martxan jarriz. Saileko estraineko lana, euskal saiogilerik saiatuenaren eskutik datorkigu, Joxe Azurmendik Miranderen pentsamenduari buruz idatzitakoa hain zuzen. Halere, bere asmoa ez da Miranderen pentsamendua here osotasunean azaltzea, hiru pentsalari alemaniar haundiek ordezkatzen duten filosofi ildoak Miranderengan zer nolako eragina izan zuen zehaztea baizik.
Hauxe dugu Azurmendik idatzitako saiakeren artean beharbada irakurtzeko zailena. Hasierako kapituluetan batik bat, ariera guztiz filosofikoan murgiltzen da egilea, nahiz eta mementuoro Joxeren prosa zuzenak eta sistematizazio ahalmen izugarriak ulergaiztasunetik salbatzen gaituen. Bestetik, liburu honek Miranderen inguruko mitoa bere tokian jartzen izugarri lagunduko duelakoan gaude. Faktore batzu dira Miranderen figura geure begi aurrean hain miresgarri bilakatu dutenak (guztien oinarrian, paganismoa eta mendebaleko kulturaren kritika), eta faktore guzti horien nondik norakoa zehaztearren eta bakoitza bere tokian jartzearren, datu mordoa eskaintzen dizkigu Azurmendik.
Sinplekeria eta topiko askotxo idatzi-esan izan dira Miranderen inguruan, eta liburu honetan goi-azpitik astindu egiten dira topikook, ukaezinezkoak ukatu gabe, baina gogoeta zabalagoetarako bidea eskainiz. Horixe bait da ikerketa honen balio haundietako bat: Miranderen beste alor batzu aztertzeko modua zabaltzen du, ateak zabalik uzten dituen ikerketa da alde horretatik. Esate batera, mitologia keltikoaren eraginak izan zuen garrantzia sujeritu egiten da bertan. Garbi dago era berean ikerketa honen itzalean Miranderen sinbologia birraztertzeak argitasun haundiak ekarriko lizkigukeela Pariseko euskal idazle kriptikoaren inguruan. Hainbeste zor zaio Miranderi, eta Joxe Azurmendik kitatu du zor horren zati inportante bat.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera