kritiken hemeroteka

6.995 kritika

Azken kritikak

« | »

Esku leuna / Gotzon Garate / GAK, 1978

Gotzon Garate: Esku leuna Iñaki Zubizarreta / Zeruko Argia, 1978-12-03

Urriaren azken egunetan argitaratzen zuen Gipuzkoako Aurrezki Kutxa Probintzialak Gotzon Garateren Esku leuna.

Iazko Irun Hiri nobela irabazi zuen Gotzonek Esku leuna nobela honekin. Poliziako motakoa dugu nobela hau. 167 orrialde ditu.

Irakurri berria dut, eta lehen irakurketararen ondoko nire inpresioak kontatuko dizkizuet nobela poliziako honi buruz.

Interesez jarraitzen da nobela honen irakurketa, eta horixe da hain zuzen ere, nire eritzian, era honetako nobela bati buruz esan daitekeen laudoriorik onena. Hala ere baditu nire iritziz, akats batzu.

Lehenik zera esan behar: Gotzon Garatek esplikazio teoriko, nolabait esateko etiko-filosofiko, ugari sartzen dituela, batzuetan kontaketari pisu bat erantsiz, eta tarte batzu aspergarri xamar bihurtuz. Baina hala ere ez du gehiego esajeratzen.

Bestalde atsegin zaizkio Gotzoni hitz bitxiak eta esaera dotoreak, hauek ere nobelaren kontaketari arintasuna kenduz.

Nobelaren hariari edo tramari dagokionez, ongi eramaten du kontaketa, baina badu honetan ere akats inportante bat: azkenean, konklusioetan esplikatzen digu tramaren korapilo nagusia, aurretik kontaketan batere sujeritu gabeko esplikazio guztiak bertan bilduz.

Akats inportanteak direla hauk iruditzen zait, baina hala ere, oro har, inpresio baiezkorra utzi dit nobela honek: interesez irakurtzen den nobela poliziakoa da, eta horretan oso urriak, pobreak gaude euskal irakurleok. Gogoan dugu jarraipenik izan ez duen Loidiren “Amabost egun Urgain’en”.

Akatsak zuzenduz, nobela rnota honetan lanean jarraitzeko edo jolasean eskatzen diogu Gotzon Garateri.

Azkenik zera ere gehitu nahi nuke: euskara ikasten ari direnentzat ere interesgarria dela Esku leuna nobela hau.

Baditu bai hitz batzu eta esaera batzu esplikapenak behar dituztenak, baina irakaslearen laguntzaz, errazki eta interesez irakurriko dutela uste dut euskal nobela poliziako hau.

Azken kritikak

Biennale
Beatriz Chivite

Igor Estankona

Demokraziaren pribatizazioa
Jule Goikoetxea

Peru Iparragirre

Azala erre
Danele Sarriugarte

Javier Rojo

6012
Karlos Linazasoro

Aiora Sampedro

Filiala
Sergei Dovlatov

Joannes Jauregi

Zaldi mamarroa
Ekaitz Goienetxea

Iratxe Esparza

Bihotz handiegia
Eider Rodriguez

Hasier Rekondo

Pelegrinak
J.E. Urrutia Capeau

Javier Rojo

Zaldi beltzak zeruan
Txomin Peillen

Peru Iparragirre

Tiroa kontzertuaren erdian
Belen Gopegui

Aritz Galarraga

Zaldi mamarroa
Ekaitz Goienetxea

Javier Rojo

Zauri Bolodia
Oier Guillan

Aiora Sampedro

Azala erre
Danele Sarriugarte

Joannes Jauregi

Jainkoen zigorra
Alberto Ladron Arana

Iratxe Esparza

Artxiboa

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Hedabideak