susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Hitzen kartografia | Lauaxeta berpizturik »

Egun denak ez dira berdin / Xabier Etxeberria / Elkar, 2001

Egun denak ez dira berdin Castillo Suarez / Guaixe!, 2001-08

Ilusiorik gabeko bi gazte dira nobela honen protagonistak: Tasio, objezioa egiten ari dena eta Miren, tabernaria. Biak bikoterik gabe daude eta bakarrik sentitzen dira, aspertuak. Nahiz eta hasiera batean elkarrekin harremanik ez duten, istorio beltz batek elkartuko ditu biak. Izan ere, auto istripu zentzugabe batean gazte bat hiltzen da eta Tasio istripua izan duenaren neska zelatatzen hasten da bere heriotza argitzeko. Zeharka bada ere, istorio honek bi protagonistak lotuko ditu, esan bezala.

Haatik, eleberri hau detektibe-istorio bat baino gehiago da (bukaerarik ez du istorioak, gainera). Egungo gazteriaren kritika ironikoa da, bai bizipoza ezagutzeko gazteek behar dituzten lorpenei buruzkoa eta bai monotoniak dakarren etsipenari buruzkoa. Gazte funtzionario-guapo-bikotedun-osasuntsu-harremanetarako dohaiarekin-pisuaren jabeak… nahi dituen gizarte honetan askotan ilusio txiki batek alda dezake pertsona baten norabidea aurreko guzti-guztiak erdietsi gabe.

En fin. Nobela beltzen zaleei ez zaie gustatuko ez delako istorio borobila, bai ordea, kritika ikusi nahi dutenei hariaren atzean.