kritiken hemeroteka

6.995 kritika

Azken kritikak

« | »

Ipui antzeko / Mikel Zarate / Gero, 1975

Ipui antzeko Irastortza / Zeruko Argia, 1975-08-10

Egon gaude,

baina egonean ez.

Ez genuke egon nahi.

Egon nahi-ezez gaude egon.

egon nahi ezaren

egon beharrezko nekez.

Gandiagaren olerki honekin hasten du Mikel Zaratek Gero-n argitaratu duen Ipui Antzeko deitu liburua.

Olerki horrek dioen zerbait gertatu ote zaion Gero-ri ere pentsatzen dugu. Kimu sailean liburu asko argitaratu du. Ez, ordea, Gero sailean. Han du aurrenekoa aurten.

Gerok liburu mordoa du inprimategian aspaldidanik, baina ez dute kaleko argirik ikusterik izan. Gerotik gerora eta biharretik biharrera luzatuz ihardun da. Lizundiak esan digunez berehalaxe datoz hurrengoak. Betoz ordu onean.

Eta Gero-ren aldeko argibideak alde batera utzirik esan dezagun zertxobait Mikel Zarateren liburuaz.

Hasi eta buka erraz eta gustora irakurtzen den liburu hoietakoa dugu. Uda hontako bero kiskalgarri hauetan ere irakur daiteke liburua, hain zuzen ere.

Irudiz jantzitako Ipuin antzeko zertxobait dugu. Gure egoera nahas eta bihurriaren adierazgarri dira. Gure artean eta gure inguruan gertatzen denarekin badute zerikusi ipui hoiek.

Gure arteko zenbait eztabaida, iritzi desberdin, tirabira eta borroka alegien bidez zehaztu eta agertu nahi digu.

Mikel Zaratek horretarako doai berezia du: gizartearen kontzientzia esnatze hori, esnaketa horrek beregan daramatzan kritika, zirikada eta astinaldiekin, literatur hizkuntza trebe, garbi eta indartsu batekin lortu nahi bait du.

Honelako liburu erraz, entretenegarri eta jostalari asko behar dugu oraindik. Irripar goxorik sortarazten du ezpainetan Zarateren liburu honek.

Euskararen aldetik, berriz, ez du aitzakirik. Hitz askok galdu du indarra. Jatorra hitzari horixe gertatzen zaio. Hala eta guztiz ere ez dugu hitz egokiagorik aurkitzen. Euskara jatorra du Zaratek.

Bizkaieratik baturuntz abiatu den idazlea dugu. Gipuzkoarrontzat baino zailagoa da bizkaitarrentzat euskara batua. Hori gogoan duelarik ematen ditu Mikel Zaratek batu-bidean pausoak.

On dagizuela.

Azken kritikak

Biennale
Beatriz Chivite

Igor Estankona

Demokraziaren pribatizazioa
Jule Goikoetxea

Peru Iparragirre

Azala erre
Danele Sarriugarte

Javier Rojo

6012
Karlos Linazasoro

Aiora Sampedro

Filiala
Sergei Dovlatov

Joannes Jauregi

Zaldi mamarroa
Ekaitz Goienetxea

Iratxe Esparza

Bihotz handiegia
Eider Rodriguez

Hasier Rekondo

Pelegrinak
J.E. Urrutia Capeau

Javier Rojo

Zaldi beltzak zeruan
Txomin Peillen

Peru Iparragirre

Tiroa kontzertuaren erdian
Belen Gopegui

Aritz Galarraga

Zaldi mamarroa
Ekaitz Goienetxea

Javier Rojo

Zauri Bolodia
Oier Guillan

Aiora Sampedro

Azala erre
Danele Sarriugarte

Joannes Jauregi

Jainkoen zigorra
Alberto Ladron Arana

Iratxe Esparza

Artxiboa

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Hedabideak