« Hiltzorian dagoen mundua | Norberaren hondartza sakonetik »
Euskara guztiok / Josu Pikabea / Alberdania, 1994
Ongi gauzatutako asmo egokia Juan Luis Zabala / Euskaldunon Egunkaria, 1994-11-27
Jakina denez, XVII, XVIII eta XIX. mendeko euskal literaturako pasarte atseginak biltzen ditu liburu honek, literatur euskalkietako testuak irakurriz, alderdi filologikoetan gehiegi sakondu gabe, helburu nagusitzat gozatzea duen irakurlea gogoan harturik. Atzeko solapak ederki aurkezten du liburua: “”Euskara guztiok” honetan lapurteraz, gipuzkeraz, bizkaieraz eta zubereraz 1900 arte argitaratutako obra nagusien bilduma bat osatu eta aurkezten dugu”. Ia 200 orrialde ditu guztira antologia honek, eta 50na dagozkio aipatutako literatur euskalki horietako bakoitzari, gutxi gorabehera..
Erraztasunaren, atseginaren eta plazerraren bidez irakurlea idazle klasikoen lanetara gerturatzeko helburua du liburuak, eta bai testuen hautaketa eta bai liburuaren argitalpena ere oso egokiak dira helburu horri erantzuteko. Dosi txikietan kontsumitzeko modukoa da berez bilduma hau, baina ez da harritzekoa irakurleak, gozamenak eta jakinmipak-bultzaturik, aurrez uste baino eserialdi luzeagoak egitea liburuaren aurrean. Horixe gertatu zait behintzat niri.
Ez dauka aitzakiarik, beraz, liburuak. Asmo egokia du iturburu eta asmo hori jakintzaz eta arduraz gauzatua dago. Izango da, jakina, berak gogoko duen testuren bat edo beste agertu ez delako arrenkuratuko denik, baina, jakinekoa denez, antologia orok berekin duen ezinbesteko ajea da hori. Euskal literaturaren inguruan interesik duen edonoren liburutegian batere trabarik egingo ez duen liburua da, dudarik gabe, “Euskara guztiok”.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez