kritiken hemeroteka

8.288 kritika

« | »

Izu zinezkoak / Askoren artean / Alberdania, 1998

Izuaz beste Felipe Juaristi / El Diario Vasco, 1998-11-21

Liburu hau, berezia inondik inora, Alberdania etxeak kaleratu duen sail berri batekoa da. Sailaren zuzendaria Joxerra Gartzia dugu, eta izena “Zerberri”. Irakurleak jakingo duenez, komunikabide guztietan informazio konplitua agertu izan baita, duela gutxi Beldurrezko eta Fantasiazko Zinemaren Astea antolatu zen Donostian bertan , arrakasta handiz, dena esan behar bada. Liburu honen argitalpena aste haren barruko ekitaldietako bat izan zen.

Sei idazle (Harkaiz Cano, Edorta Jimenez, Itxaro Borda, Juan Garzia Garmendia, Miguel Sánchez Ostiz, Anjel Lertxundi) eta ilustratzaile bat (Antton Olariaga) bildu dituzte liburuan. Bakoitzak bere estiloa du, noski, baina badira denek, edo gehienek, ukitzen dituzten gaiak.

Bata, nagusia esango nuke, zinemari buruzko aipamena da. Ez da arraroa, jakinik zinemaren garrantzia izua zabaltzeko orduan. Edorta Jimenezen testuak argia dakar gai horri buruz. Esan daiteke saiakera bakarra dela liburuan, eta zinemaren eraginean oinarriturik, gainera. Izenburua ere aski adierazgarria da: “Gogoeta-oharrak beldurrezko zinemari buruzkoak”. Egia da belaunaldi batentzat, neu ere bertan sartzen naizela, zinema-aretoa izan dela sofrikario guztiak, izu guztiak, gauzatu izan diren tokia. Gurean, literatura beranduxeagoko kontua izan baitzen.

Bigarrena haurtzaroari buruzko aipamena da. Benetako izuak haurtzaroan aurkitzen baitu bere atsedengua. Juan Gartziaren ipuinak, “Hitzaldi” izenekoak hain zuzen, lurralde hura berreskuratzen du, memoriaren ariketa aurrera-atzerako batez. Harkaitz Canok izuen katalogo luzea erakusten digu: “Bertigoa”, “Sentimenduak adierazteko beldurra”, “Gauari beldurra”, “Bestaldeari beldurra”, “Irabazteari beldurra”, “Itsasoari beldurra”, “Bizitzari beldurra”, “Bizirik lurperatua izateari beldurra”.

Itxaro Bordaren ipuina, “Odolaren Zorra”, izu metafisikoaz da, izugarria bere horretan. Miguel Sánchez Ostizena, Inazio Mujika itzultzaileak “Ilunbeltzak Jitoan” izenburua jarri diona, izu komikoaz da, barregarriaz. Anjel Lertxundiren testua erdibidean dago, saiakeraren eta ipuinaren artean. Literarioa da oso.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak