susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Egiak | Hitza hitzaren kontra »

Markak. Gernika 1937 / Bernardo Atxaga / Pamiela, 2007

Gerra-gezurrez Javier Rojo / El Correo, 2007-08-08

Gernikaren bonbardaketaren urte hurrena dela, Bernardo Atxagaren eskutik “Markak. Gernika 1937″ liburua datorkigu. Bertan, birpasa egin nahi izan die Gernikaren bonbardaketaz esan diren gezurrei, biktimak bi aldiz biktima bihurtu zituzten gezurrei.

Kontua da 70 urte pasatu direla, eta gaur gai horretaz ardura izan lezakeen jende gehienak baduela gaiaren berri. Oroimenaren berpizteaz arduratzen den ildoarekin bat dator liburu hau, beraz. Badirudi Atxagak kargu hartu nahi izan diela zenbait pertsonari, historian hartu ezin izan den mendekua literaturaren bidez nolabait hartzeko. Eta ondo dago historia gogoratzea bakoitzaren tokia zein izan den jakiteko, baina oroimena ez da lastre bat izan behar, Atxagak berak gogorarazten duen bezala. Bestaldetik, liburuak bi eranskin dauzka, baina nire ustez ez diote gauza handirik eskaintzen testuari.