« Begirada batera | Sufrikarioa heroismo bihurturik »
Inon izatekotan / Juan Luis Zabala / Susa, 2006
Gogoeten bilduma Iker Zaldua / Noticias de Gipuzkoa, 2006-06-17
21 urtez izandako gogoeten bilduma bat eskaintzen digu Juan Luis Zabala idazle azkoitiarrak, Susa etxearekin kaleratu duen Inon izatekotan lanean.Eguneroko moduan aurkezten dizkigu gogoeta horiek, 1985. urtekoa lehenengoa eta 2006ko martxokoa azkena. Horrela bere bihotzaren leihotxo bat irekitzen digu idazleak, ipuin labur, poema eta kontakizun laburrak josiz, egunerokotasunak eskaintzen dizkigun une zehatzen inguruko bere gogoeten argi-ilunak behatu ditzagun.
Idaztea aukeratu du Zabalak, pentsamenduen zurrunbiloari leku ematearren, idazleak berak 1990eko otsailaren 3an aurreratu zuen eginkizuna “Hitza hartu dut, hitz egin dut eta azaldu eta azaleratu egin ditut barnean nituen fantasmarik handienak, zikinenak, trabagarrienak, ezerosoenak. Hitzaren bidez, adierazi egin dut barruan nuena, eta oraindik ere horretarako aukeraren jabe naiz, hain premiazko ez bazait ere beharbada dagoeneko “. Bi hamarkadetan bere buruan pausaturiko hitz hautemanezinak bildu ditu eta liburu batean aurkeztu dizkigu.
Idaztea du zaletasun eta idazle da zentzu gardenean, egunak emandako uneak eta gauak luzatutako momentuak koaderno baten intimitatean utzi baititu tintaz bustita. Ugariak bezain arruntak dira azkoitiarrak zuzen eta leun darabiltzan gaiak; maitasuna, bakardadea, gertaera apalak, dudak, bidaia fisiko nahiz psikologikoak edo aitorpenak aurki ditzakegu 21 urteko ibilbidean.
Idaztean eskua bezain garrantzitsua izan ohi da begia, begiarekin hasten da idazten sena duenak eta liburu honetan oso ondo azaltzen digu Juan Luis Zabalak nola idazten den begiarekin. Beste begiarekin gainera keinu egiten dio irakurleari, bereganatu egiten du irakurlea eta hau aztertu gabe utzitako egoerak aztertzera bideratzen du, guztiok izaten ditugun pasadizoak, burutazioak eta irrikak deskribatzen baititu.
Bihotzaren zati txiki bat biluzten du idazleak eta bihotzaren zati txiki bat biluztuko zaio irakurleari, hemen, inon izatekotan.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez