kritiken hemeroteka

8.288 kritika

« | »

Gaur ere ez du hiltzeko eguraldirik egingo / Iñaki Segurola / Alberdania, 2005

Pontotikakoak Felipe Juaristi / El Diario Vasco, 2005-05-13

Ovidiok deserrian idatzi zituen bere azken poemak (Tristia eta Epistolae ex Ponto); horregatik darie biei ala biei malenkonia kutsua, negar doinua, keja musika. Horregatik, behar bada, kritikari maltzurrek ez dituzte azken lanok ontzat jo, azken poemon aldean jartzen baitituzte lehenagokoak, Metamorfosis liburukoak, batez ere. Ulergarria da, kritikaria bere garaiko izakitxoa (eta izartxoa) baita. Ovidio, Erroma guztiz ahaltsua utzirik, hiri txiki batera joan zen bizitzera, Enperadoregoaren mugetan, Errumania gaurkoan. Iñaki Segurolaren hitzaldi hauetan bada kontrako joera, askotan Cioran gogorarazten duena (ez al zen Cioran Errumaniatik “Erroma Berri”ra etorri, alegia Parisa?); Segurolak herri txiki batetik idazten baitu, ziudadearekiko inongo lilurarik gabe. Doinua, ordea, Ovidiorena da, edo -onartzen badidazue-, Cioranena bera, malenkonia, negarra eta keja, hiruak batean. Gertatzen da Iñaki Segurolak oso ongi idazten duela, gure parametroetarako noski. Hain ongi du idazten non irakurle amorratu den honek ez diot erreparatu gehiegi idatzi gabe zegoenari, alegia mamiari, baizik eta idatzitakoari, testuari hain zuzen.

Literatura-adibide bikaina iruditzen zait. Job berritua, Job kejosoa, Job azpeitiarra (hori ere badugu, bai!). Baina denok dugu Joben zerbait; ez alferrik gainera; denok baikara Jainkoaren seme sasikoak; denok dugun bezala Ovidioren edo Cioranen zerbait, gure herrian egonik ere, onenean, deserriratuak baikara guztiz. Jobek erakutsi zuen bidea, Jainkoari errietaka hastean. Gerokoek, Ovidiok eta Cioranek, eta horien kume-kumetxoek, bideari jarraitzea besterik ez dute egin. Ovidiok Zesarri idazten zion; Cioranek bere buruari; Iñaki Segurolak bere gizaldiko euskaldun irakurleari (aurkitzen badu, bederen).

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak