« Frantziako Iraultzan | Bakartasunaz bi hitz »
Bilbo dub kronikak / Paddy Rekalde / Susa, 2004
Bilboko hondakinak Felipe Juaristi / El Diario Vasco, 2005-03-18
Hiriko poesia, ez poesia hiritarra, idatzi du Paddy Rekaldek. Izenburuak berak gaztigatzen digu zein den liburuaren espazioa eta norabidea; zian ere, poesia denboran zabaltzen den artea izanik, poesiak ere badu espazio zehatz eta ezaguna. Bilbo esaterako: Arestiren edo Oterorenean; Donostia, Celayarenean; edo ez dute batere espaziorik, edozein espazio izan baitaiteke poesiarena. Baina hiritik hirira alde handia dago, idazle batetik bestera dagoen bera; begia baita neurgailu, eta begi batek begiratu eta ikusten duena nekez ikusi eta begira dezake beste begiren batek.
Begirada oro da morala. Eta hiriko paisaian dabiltzan pertsonaiei begiratzeko moduak, edo haien begirada sentitzeko manerak adierazten zein den poetaren ikuspuntua. Ez dago neutraltasunik inon. Porrot egindako jendeari begiratzen badio, horrek esan nahi du baduela ez haiekin bat egiteko gogoa, baizik eta haien egoeraz errukitzeko. Begirada moralak giza miseriatzat hartzen ditu prostituten imintzioak, nekearen adierazgarritzat La Najako jonki, mozkor, etxebako eta gerobakoen posturak; giza duintasuntzat gizon-emakume adinean sartuxe batzuen elkarrizketak eta bakardadeak.
Paddy Rekalde poetaren begia ez da ironikoa, errukiorra baizik. Haren mundua ez da zerutiarra; infernutik gertuago baitago. Baina infernu horretan bizitzea erabaki du, eta bizitzak zentzua hartzen du ibilbide luze eta nekatuetan barrena, hiri hondakinak bisitatzen, giza hondakinak begiratzen, baian ez turistaren modura.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera