« Maskotaren bila | Ugerra burdinari bezala »
Dardaren interpretazioa / Harkaitz Cano / Olerti Etxea, 2001
Ahotsak Felipe Juaristi / El Diario Vasco, 2004-02-20
Hiri bakoitzak bere hotsak eta bere ahotsak ditu. Hotsak ez dira beti ezaugarriak gertatzen, ihes egiten dute zentzumenei, adi egonda ere, zaila dena, bestalde, hirian, zentzumenak zabaldu egiten baitira noranahi eta nonahi, eta zabaltzearekin batera sakabanatu, eta hala gerta daiteke, begiak erakusleiho bati erreparatzea, eskuak lurrean aurkitutako harri txintxar bat ukitzea, belarriak, urrutiko parke batean kantari ari den txoriari emana izatea eta oinek, inori ez ezer galdetzeke, beren bidetik joatea, oinek, ohituraz eta urtetako eskarmentuz, egiten duten modura. txoriak kantatzen duen bitartean gerta daiteke biolin-jotzaile bat egotea, izkina batean, Mozarten doinu bat joka, oinetan kapelu hutsa, diru gabea, eta begirada ere beharbada tresnari darion musikari ez emana, baizik eta inguruan dauden edo ondotik igarotzen diren gizon-emakumeei adi. Adimena da zentzuen gidaria, antiagoaleko jakintsuek ziotenez, tartean Heraklito Ilunak, ulertzen ez ziotenez hala deitua, baina zalantza dut ez ulertzearekin batera ez ziotela aditzen, ez ziotela entzuten, ez zutela ikusten, ez zutela ukitzen, ez zutela oinez ibiltzenm, edo erabiltzen, noski.
Poeta bakoitzak bere hotsak ditu eta bere hotzaldiak. Beroaldiak baino gehiago ote ezin jakin, poeta bakoitzak bere hemisferioak eta iparburuak baititu, eta ez dago bi poeta horretan berdinak direnik, alegia latitude puntu berean direnik, eta latitudea gauza serioa da, noski, meridianoa baino serioagoa, altitudea baino benazkoagoa, eta han galtzen dena galdua da betiko, edo bestela bidali beharko diote edozein Stanley haren bila, I suppose. Harkaitz Canok bere ahotsa du, eta bere hotsa. Ahotsa liburu honetan entzun daiteke, KDa baitakar entzuteko, eta hotsa bere poemetan dago, poema hauetan dago, antologia bat konplitu samarra, antologiak oro diren modukoa, erretratu txikia, zer izan garen eta zer garen adierazi nahi duena, batez ere zer izan garen, aspalditik atzo arte. Atzodanik gaur arte munduak bere ibilera egin baitu, gu konturatzeke, ez baitugu hotsik entzun.
Gizon barregarriak
Joxean Agirre
Asier Urkiza
Barbaro iraun
Louisa Yousfi
Amaia Alvarez Uria
Izotz ura
Lide Hernando Muñoz
Aiora Sampedro
Palestinaren okupazioaz eta kolonizazioaz
Perry Anderson
Irati Majuelo
Itzulerak
Miren Agur Meabe
Aiora Sampedro
...eta gauetik, euria
Fertxu Izquierdo
Jon Jimenez
Carvalho Euskadin
Jon Alonso
Asier Urkiza
Hitzak palmondo
Silvia Federici
Nagore Fernandez
Altxa, hildakoak
Fred Vargas
Ainhoa Aldazabal Gallastegui
Alderdi komunistaren manifestua
Karl Marx / Friedrich Engels
Aritz Galarraga
Maitasun kapitala
Karmele Jaio
Mikel Asurmendi
Larrosa bat Groenlandian
Iban Garro
Paloma Rodriguez-Miñambres
Jausiz
Alain Mendizabal Diaz
Maddi Galdos Areta
Hiriak eta urteak
Xabier Montoia
Irati Majuelo